موقع محافظة الحائط الرسمي .. المنبر الإعلامي الأول لمحافظة الحائط

موقع محافظة الحائط الرسمي .. المنبر الإعلامي الأول لمحافظة الحائط (http://www.alhait-1.com/vb/index.php)
-   منتـدى شعــراء الموقــع (http://www.alhait-1.com/vb/forumdisplay.php?f=50)
-   -   شاطئ الدمام (http://www.alhait-1.com/vb/showthread.php?t=6678)

امرؤ الجابر 2008-03-23 01:00

اخر قصيده قلتها بسيد الاحباب
 
اخر قصيده قلتها بسيد الاحباب = براس السنه من عقب عيد الضحيه
مشتاق للديره تباطونا الاصحاب = وانا بعيد ومهنتي عسكريه
انا دهاني ما دها والد عقاب = ونيت ونة موت ونه قويه
ما فادني طب الدكاتر والاعشاب = مالي جدا غير اجذب السامريه
الصاحب اللي عذب القلب جذاب = به سر كامن يشبه الجاذبيه
وفيت في حبه وانا كنت لعاب = وخليت حب الطيش والعنجهيه
حنا تعاهدنا على حلف وكتاب = نرضى المنيه قبل فعل الدنيه
حبيبتي عذرا على وجهها حجاب = لو شفتها تحلف تقول اجنبيه
ما غازلت سربوت مع فتحت الباب = ولا صافحت عاشق ولا هي رديه
حبه نشبلي داخل القلب نشاب = شيً شبك قلبي تقل مشكبيه
به ذبذبه كهرب خفوقي ولا ذاب = يشبه لضغط الشحنه الكهربيه
دايم خياله في خيالي ولا غاب = في كل صبح وكل عصر وعشيه
واخر قصيده قلتها بسيد الاحباب = قصيدةً مني لخلي هديه

عشق الشمال 2008-03-23 01:12

صح السانك وسلم بنانك امرؤالجابر


ابيات بمنتها الروعه معبره وجميله


كل الشكروالتقديروالاحترام

راع العليا 2008-03-23 08:19

اخر قصيده قلتها بسيـد الاحبـاب
براس السنه من عقب عيد الضحيه

مشتاق للديره تباطونا الاصحـاب
وانـا بعيـد ومهنتـي عسكريـه

الأخ العزيز امرؤ الجابر

قصيدة رائعة وهي تحاكي وتلامس الوجدان
وتحمل بين ابياتها العديد من الصور تناغم في قوافيها

فكل الشكر لك على هذه القصيدة وننتظر جديدك بكل شوق

تقبل مروري

امرؤ الجابر 2008-03-24 01:00

الاخ العزيز عشق الشمال

مشكور على مرورك وتعطيرك

اجواء الموضوع

امرؤ الجابر 2008-03-24 01:02

الاخ العزيز راع العليا

مشكووووووووور على مرورك

والرد على الموضوع بالاحاسيس الرائعه

الغربي 2008-04-01 23:39

مشتاق للديره تباطونا الاصحاب ونا ابعيد ومهنتي عسكريه
صح السانك

امرؤ الجابر 2008-04-08 01:59

إلى مـــن يـهــمــه الامـــر
 
قولوا لها ياهل الفهامه والألباب=قولوا لها وتفهم تراها لبيبه
طار العقاب وصار في وكره غراب=والبعد قرب والاماني صعيبه
قولوا لها ماتاب من عضة الداب=ماأتوب لو حطوا عليٍ النصيبه
طبع الهواء ملعون مترس وغلاب=ولا أنا ماأرضى القهر والغليبه
احلف لها بالله ولاني بنصاب= اني بلياها حياتي كئيبه
لو عرضتني للمهالك والاتعاب=ولو اسرفت تبقى الحبيبه حبيبه
وانا لو ان الكافر يكب الانصاب=ولو المسيحي ينتهي عن صليبه
ولو يقدر المسلم على هدم محراب=اما اني اهدم حبها ذي مصيبه
خواطري تنجبر كسرها عاب=حالي كسيفه مستصيبه عطيبه
اطرد سراب(ن) لاتقاربت له ذاب=ولاجنيت الا الظما باللهيبه
حان الفراق ولا بقى للرجاء باب=والظن خاب وخيبه تجر خيبه
لو تطعنيني دون ذنب(ن) ولا اسباب =قلت اطعني هاك الخفوق العبي به
وقولوا لها ياهل الفهامه والالباب=قولوا لها تفهم تراها لبيبه

سوسن 2008-04-08 03:25

أ بيات قصيدة قوية جدا و اكثر من جزلة و انا متشوق لسماع ا لمزيد من قصا ئدك يا امرؤ ا لجابر

تقبل مروري

راع العليا 2008-04-08 09:28

أخي العزيز امرؤ الجابر

وها أنت عدت لنا بهذا الرائعة تداعب وجداننا بها
قبل ان تداعب وجدان وأحاسيس معشوقتك
لله درك على هذا الرائعة إيه الشاعر الفذ

تقبل مروري

عشق الشمال 2008-04-08 15:24

امرؤالجابر


ابيات جميله جدا صح الله لسانك جزله من شاعرجزل

عجبي جدا الاقتباس في البيت التالي :-

طارالعقاب وصار في وكره اغراب=والبعـد قـرب والامانـي صعيبـه

من بيت قديم يردد دائما ويقول:-

طار الغراب وصاربالوكرقرناس=والبعدقرب والعصى مانسيته

اقتباس جميل جدا يدل على مدى اطلاع شاعرنا

وفي البيت التاسع سقط منك حرفين سهوا فمن يكتب مثل هذه الابيات لايمكن ان يخطىء في بيت

والبيت كتب على النحوالتالي:-

خواطـري تنجبـر كسرهـا عـاب=حالي كسيفـه مستصيبـه عطيبـه

واعتقد ان الاصل ومقصد شاعرنا هو:-

خواطـري ما تنجبـر كسرهـا عـاب=حالي كسيفـه مستصيبـه عطيبـه

واسمحلي اخي على التطفل والاطاله ولاكن قصيده من الوزن الثقيل تجبرك على التمعن في ادق تفاصيلها

والتمتع في جزالتها وروعتها تجعل المتذوق يبحر في سماء الشعر الحقيقي صح السانك اكثر من روعه

لاتحرمنا من جديدك الرائع


الساعة الآن 18:03.

Powered by vBulletin® Version 3.8.7, Copyright ©2000 - 2021, Jelsoft Enterprises Ltd. TranZ By Almuhajir
جميع الحقوق محفوظه لموقع محافظة الحائط الرسمي

Security team