قصائد حفل زواج تركي سعود الجابر

‏

قصيدة بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر مساعد نور الرويضي - الوافي

‏

بسم الله الرحمن مافيه غيره=علام مابالكون جهره وسده
الواحد اللي عالمٍ بالسريره=قبل الكلام وقبل شي نعده
جينا على دعوة كبار العشيرة=اللي لهم عندي مقام وموده
عيال جابر والسيوفٍ الشطيره=مبروك مع ناصر وعده وبده
للجود تاريخه وللمجد سيره=وبيت الكرم بالطيب كل يعده
اللي كرمهم شاع وسط الجزيره=للعود جابر والصقر من مهده
أهل البيوت اللي وساع وكبيره=والباب مفتوحٍ. ولا أحدٍ يرده
للضيف والعاني وراعين جيره=ورداهم المعتاز مده يسده
يوم المعيشة والظروف العسيره=والقل في شبه الجزيره ونجده
وهم على معطاهم الله بخيره=مداتهم تملا اليدين الفقيرة
شايبهم الاول عسى الله يجيره=والنار ماتلمس تجاعيد خده
عقب له عيالٍ. مشو في مسيره=كلٍ. مشى على مواريث جده
وعريسنا الدكتور والفأل خيره=تركي يارب بكل خيرٍ تمده
ابن العقيد اللي علومه سفيره=سعود وان عدوا هل الطيب عده
ماكنه الا اللي سحب من جفيره=سيف الشجاع الي بيده من يرده
وصلوا عدد مالاح برق النديره=على النبي اللي مآب الناس نده

‏

قصيدة بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر مسند العويمري

‏

الليله بحفل الجوابر هل الطيب=الشعر صافح ريح عوده عبيره
شعر(ن) على بدع الجزيلات ميخيب=وشاعر على الأبداع عقله شويره
اطوع بيوت المفاخر بترتيب=لجل اتجمل بالجموع الغفيره
عصر الكرم عصر الليال اللواهيب=ياهل الكرم يوم الموارد فقيره
متوارثين الطيب ماهي تجاريب=كلن بدرب الطيب شرف مسيره
جوابرن مافيه شكن ولا ريب=اهل كرم نخوه وقفه وجيره
من دون قاصر بالرجال المعاريب=اللي لهم بالطيب وقفه مثيره

‏

قصيدة بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر ناصر خلف الجابر - شاعر الحائط

‏

مرحب هلا تعداد نوار الازهار=واعداد مازاف الورق بالغصوني
واعداد ماهلت هماليل الامطار=واعداد ماتنشي نواشي المزوني
واعدادنبت العشب واوراق الاشجار=وماغرد القمري بزين اللحوني
ترحيبة بضيوفنا كيف ماصار=مقرهم بارواحنا والعيوني
اللي لفوا تشريف لسعود مقدار=في عرس تركي شرفونا ويجوني
تشريف للجابر ولافيه معذار=ياحيهم مارشرشن الغشوني
فيهم فرحنا وفرحة الأرض والدار=وللي لفا عاني ترى مايهوني
عنوا مراكبهم على قطع الاقفار=من طيبهم طابت نوايا الظنوني
مرحب هلال بقريب الجد والدار=واللي امعني خطوته والظعوني
حق علينا حشمة الضيف والجار= وفي دارنا ملفا لمنهو يكوني
تعال ياللافي ولياك تحتار=لك ماقع في دافيات الحضوني
في ديرتي للضيف مارد ومصدار=بوجيه اهلها بالهنا ترقدوني
للحايطي طول الزمن علم واذكار=بالفعل ماهو في ضحوك السنوني
الحايط اللي لفوا فيه خطار=يلقون ربع للغنم يذبحوني
وزود على حيل الغنم بن وابهار=وسمن يذوب في اوساع الصحوني
وارجي من الحاضر سماحه ومعذار=ان زل حرفي طلبتي سامحوني

‏

قصيدة بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر موسى مناور الدرع

‏

الليل توه بأوله والناس في حالة سكون=الجو هادي والوجيه الطيبه متجمعين
الصدر واسع والمكان يهيض اللي يشعرون =وبِسْم الجوابر ياهلا ويامسهلا بالحاضرين
وحنا نبي نبدأ القصيد لروس ناسٍ يفهمون=ناسٍ تحب الشعر وتثمن وقوف الواقفين
جينا نزاحم ساحة الشعار واللي يقصدون=نفك محار القصيد ونظهر الدر الثمين
وانا ابا اثبت ما بنيته بيت بيت ولون لون=واقطف من غصون القصيد أزهار فل وياسمين
يامرحبا مارف برق الوسم في غر المزون=يامرحبا ما سبح الساجد ولبى المحرمين
في حفل ابن جابر سعود الليله احسن مايكون=عيال ابوناصر كريمين السبال الشامخين
ذولا خوالي وافتخر والناس فيهم يفخرون=وامدح خوالي لانهم من روس قومٍ طيبين
خوالي الجابرعسا في كل يومٍ يفرحون=اهل ألوفا والمرجله واهل الشجاعه من سنين
ما يذبحون الا سمان الضان من فوق الصحون=وبيض الصواني زابرينٍ فوقها سمن وسمين
افعالهم فعل ابوزيد وكل ابوهم يفعلون=وبيوتهم مضاف حاتم في زمان الأولين
اليا نصاهم راعي الحاجه عطوا ما يبخلون=مداتهم مدات ابومتعب اليا اعطى باليمين
يوم انها بضرب الرصاص وهم بهذا يحكمون=من سورها لسورها عاشوا بها متسيدين
الروم غلبت والجوابر لا حشى مايغلبون=اللي غزاهم واعتدى ردوه في خفي حنين
اصل الجوابر من رجالٍ بالمواقف يفزعون=سمحين في بعض العلوم وبالملاقى كايدين
اليا اختلط دخانها مثل الذيابه يهجمون=ناسٍ تزف أعمارها للموت زف المعرسين
وسلام مني للحسن ماورقة خضر الغصون=اهل الشيم واهل القيم واهل العلوم الغانمين
شوامخٍ لو ينحني عود السلم ما ينحنون=رجال وان عاشرتهم مثل الرواسي ثابتين
ذكر يحيا وعبدالعزيز وناس واجد يذكرون=والمعذرة كان اختصرت افعالهم في كلمتين
هذا ولا انقص من هل الهقوات وانتم تعرفون=كلٍ بحقه والعرب وقت اللوازم جاهزين
واليوم عشنا في زمان الحزم واصحوا تقلقون=مادام سلمان الملك نعيش حنا مكيفين
ولي عهده سيدي اذا بغى شَيْءٍ يكون=بذن الكريم الا يصير وكلنا متاكدين
هذا محمد سيدي قلبه على شعبه حنون=واقسى من الصوان واغلظ للطغاة المجرمين
ماهمنا اللي في قفانا يحفرون ويدفنون=مادام حنا تحت راية سيدي متكاتفين
حكامنا اللي لارقدنا الليل هم مايرقدون=الله يثبتهم على التقوى وعز المسلمين
الشعب واحد تحت حكم الشرع مافيها ظنون=نقسم على البيعه لهم والله خير الشاهدين

‏

قصيدة بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر مبروك خلف الجابر

‏

هاجت قريحت شعري اليوم ياسعود=وهاض الخفوق اللي على البدع قاوي
وكتبت قافي دون جهد ٍ ومجهود=دام الشعر موجود ماهي مناوي
من جاش متعلي على كل منقود=اقولها في نضم ولا حداوي
يامرحبا ترحيب من قلب ويزود=باللي عنوا من بُعد ولاخطاوي
بسم الجوابر لابة العز والجود=ترحيب فيه الطيب والفخر حاوي
يامرحبا وعداد ماهبت النود=وعداد ماهبت ابكل النحاوي
بضيوفنا اللي شرفونا بلاحدود =جيتوا وحنا ننتظر بالحراوي
في دربكم نحط باقات وورود=ونسعد بمنهو لمنا اليوم ضاوي

اهداء للأخ سعود خلف الجابر
http://www.alhait-1.com/vb/t20059.html

‏

قصائد بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر سالم سلمان القلادي

‏

وصلت شاعر ومتنومس وشفقان=حفل يشرف من يجيه ابمجيه
حفل الشيوخ اللي لهم سنان وعنان=حفل الجوابر والفخر والحميه
احفاد ابن جابر واعده الى الان=مامات عقبله حرار نديه
ذولا هل الحايط زعامه وشيخان=كل يقول الطيب خله عليه
ولامن غرابه دامهم حلف ويلان=دهامشه من عزوةٍ وايليه
ذولا هل الحايط حضاره وشيخان=بنوا عليها السور بالجاهليه
لين أصبحت مصدر معيشه وبستان=تقطن لها العربان من كل نيه
واستوطنوبه في ذرى السيف شامان=يوم الحمى بالسيف والبندقيه
وصار الكرم لهم مبادي وعنوان=تشريعة البيبان والقابليه
في كل شارع به مضيفن وديوان=حوايطة نعم الطبع والسجيه
جيراننا اللي نعدهم خير جيران=وأصحابي اللي لهم حقوق عليه

‏

قصائد بمناسبة حفل زواج
الدكتور تركي سعود خلف الجابر
في تاريخ 1440/11/23هـ

الشاعر عبيدالله نهير الحايطي

‏

سميت باسم الله رب العبادي=الواحد اللي فوقنا عالي الشان
وهلهلتا من درة الشعر بادي=وردتها تلفي على طير حوران
لابن خلف قرم سريع المدادي=طلق المحيا من سلايل كحيلان
الطير حر وذارين للهدادي=حدر بخرب وصفه فيه شقران
سعود لاجيته سديد سدادي=يشيل حمل مايشيله بليهان
والطيب له منشى وساس ومبادي=شيخ على ساس ومن روي شيخان
من جابر الاول ولابه نقادي=طيب على طيب ولطيب برهان
ومناسب اللي من قديم مقادي=ابن حسن بالطيب علم لهم بان
والله يحيي حضرها والبوادي=واللي حضر في حفلة الشيخ لاهان
وسعيد ياتركي بليلة عيادي=ويسعد معك ناس وحي وحيان